شعر جميل اهدي اهل البيت....

فمنهم من ذكر ومنهم لم يذكر والسبب لم اعرف شخصياتهم حتى يومي هذا .
فقلت في قصيدتي ...... لذكر البعض منهم والبعض الاخر يقدر ماقيل او لم يقيل .
اجينة اليـــــــــــــــوم لليستاهل الجية لبـوك احسان جينة احنة نهنيلة
طيب صافي كلبة وجالذهب مصيوغ بذكر ال الرسول ابفرح نهديلة
********
اجينة اليــــــوم وكلوب التجر بينة لعند احسان ابــــو عباس جابتنة
بسبب عطر الفرح من بيتة شمينة وفرحهم من فرحنة وحـلوة لمتنة
******
الفرح هاليوم لمنة ابيت ابو عباس بحنة حيدر حزامة نطش جكليت
صادق وردة جبتة والعطر علاق والفتلاوي شامل جبتة شمعة بيت
*********
أخــــــــوة والنعم منكم كلب وبــروح واريدن ربي يحفظكم علـى النية
واريد الباري هـــــو بسورة يحميكـم ومن نور الحسين بنـــــــورة ليلية
قلمكم ما وكف لهل الرســــــول بيوم ويكتب هالقلم بحروفـة يــــــوميـة
علي العلاق ياما بدمعة خـط حروف وصادق يرســــم بلـــــوحات فنية
وشامل بالفكر خلة السطـــور بحــور واحسان القوافـي بصيغة سحرية
وجم رادود يقرة بهـــــالقصايــد دوم بافــــــراح وحزن للــزهرة مهدية
عماد وفاضل وعمار وابن كتاب ..... ورياض الجبوري بلهجة ثوريــــــــة
اريــــــــد اسـال جليل وقادرٍ جبــار يجمع هالشمــــل بأرواح محميــة
واريد اسال حبيب المصطفى يحسين يشفع يـــــــــــوم دانت بينة المنية
وهم اسأل بعــــد يحسين هاي اسماء مــــوجــــــودة بسجلك سيدي هية
نريدك بالسجل عندك تخطنة اليـــوم واحسب هالطلب يحسيـــن عيدي